شعر زیبای قوشاچای
دورنالارین یوواسی سان
آذربایجان بالاسی سان
اوجالارین اوجاسی سان
آی قوشاچای آی قوشاچای
یوردوم یووام ائلیم سن سن
آخار چاییم سئلیم سن سن
بوکولمین بلیم سن سن
آی قوشاچای آی قوشاچای
جیغاتینین آخان چایی
اللهین بیزلره پایی
گوزل قیشی یازی یایی
آی قوشاچای آی قوشاچای
فخریم سن غیرتیم سن سن
امیدیم همتیم سن سن
ینیلمز شوکتیم سن سن
آی قوشاچای آی قوشاچای
فروتنین افتخاری
آرامی جانی قراری
باکری لرین دیاری
آی قوشاچای آی قوشاچای
شاعر: مسعود قادری (فروتن)
عکاس : رضا رضاوند
